Штитна жлезда во бременост

Постојат два хормони кои во бременоста можат да доведат до промена во нивото на хормоните на штитната жлезда: хорионски гонадотропин (hCG) и естроген. hCG се синтетизира во плацентата (постелјката) и делува слично како ТСХ, бидејќи благо ја стимулира штитната жлезда да произведува повеќе тироидни хормони. Повишеното ниво на естроген доведува до зголемување на нивото на протеините кои ги врзуваат тироидните хормони во крвта и ги транспортираат низ организмот. При тоа, количината на слободните хормони на штитната жлезда (тие што не се врзани за протеини) обично не се менува. Овие, инаку нормални хормонски промени во бременоста, можат да ја отежнат интерпретацијата на резултатите од тироидните хормони. Лекарите препорачуваат проверка на нивото на ТСХ пред бременост или барем на почетокот на бременоста, особено кај жени кои биле лекувани поради хипер- или хипотиреоидизам, кои имаат струма (зголемена жлезда), или имаат случаи на болест во семејството. Во такви случаи е корисно да се разгледа испитување на Anti-TPO антитела и TgAt, за да се исклучи автоимуна болест на штитната жлезда - за секој случај, но треба да се знае дека штитната жлезда за време на бременоста ја менува и својата големина - доаѓа до дискретен раст кој обично не може да се утврди со клинички преглед, но може со ултразвучен преглед. Ниското ниво на хормони на штитната жлезда се надоместува со лекови – синтетски хормони. Најчесто се користи левотироксин. Кај жени кои имале хипотиреоза пред бременоста, во бременоста мора да се зголеми дозата. За нив се препорачуваат редовни контроли, на 6 до 8 недели, и следење на нивото на хормоните. Синтетскиот тироксин не го загрозува здравјето на бебето.