Снижен TSH од 0,247 придружен со прекумерна тежина и трнење на рацете - што значи тоа?

За правилно толкување на резултатите од анализите неопходно е да се знаат и референтните вредности, кои често се разликуваат од лабораторија до лабораторија. Доколку резултатот на TSH е под долната граница, тоа може да укажува на зголемена активност на штитната жлезда, со придружни симптоми како зголемен апетит, но со губење на телесна тежина поради засилен метаболизам, напнатост, засилено потење, забрзана работа и лупкање на срцето и слично. Советуваме да се обратите до ваш ендокринолог, кој врз основа на физикален преглед, анализи и ултразвучен преглед ќе постави точна дијагноза.