Последните 2 години постојано ми растат холестеролот (6) и триглицеридите (3), а сега ФТ4 ми е низок, останатото е во ред. Имам 59 години. Што да правам?

Доколку со соодветна исхрана не успевате да ги намалите вредностите на холестеролот и триглицеридите, неопходно е да се посоветувате со вашиот лекар околу воведување соодветна терапија. Многу е важно нивоата на холестеролот и триглицеридите да се одржуваат во нормални граници, бидејќи нивното покачување го поттикнува развојот на атеросклероза, која може да доведе до срцеви и други сериозни заболувања. Потребно е да се придржувате до соодветна диета три месеца, а потоа да направите контролни анализи. Доколку нема подобрување, лекарот ќе ви пропише соодветна терапија. Што се однесува до хормоните на штитната жлезда, важно е ТСХ да ви биде уреден, дури и ако ФТ4 е малку понизок. Секако, за целосна проценка на состојбата потребно е да се обратите кај вашиот лекар, кој ќе има увид во целокупната ваша медицинска документација и историја на болеста.