Совршен тандем за вежбање – 2 најдобри апликации: RunKeeper и MyFitnessPal

Наместо да се вклучувате на неколку апликации за да започнете со утринското трчање, да ги споделите вашите напредувања со пријателите или да следите колку калории содржи вашиот појадок – сега сето тоа ви е достапно со само една апликација.

Ако до сега не сте се запознале со RunKeeper(iPhone и Android) и MyFitnessPal(iPhone и Android), ова се две водечки апликации за паметните телефони кои опфаќаат се за фитнесот и здравје. Најдобрата вест: неодамна го најавија своето партнерство кое ќе им овозможи на корисниците да ја изберат, следат својата програма за вежбање и сите информации за исхраната, калориите и сл.

„Во RunKeeper ние се трудиме за развиеме комплетна фитнес програма која ќе им овозможи на луѓето да ги остварат своите здравствени цели. Свесни сме дека здравиот животен стил бара баланс помеѓу физичките активности и здрава исхрана, па партнерството со MyFitnessPal e многу логичен чекор.“ – вели Jason Jacobs, извршниот директор на RunKeeper.

RunKeeper има 20 милиони корисници. Оваа апликација е вистински фитнес тренер за во вашиот џеб.  Има различни активности од трчање, прошетки, планинарење до возење велосипед и скијање.

MyFitnesspal има 40 милиони корисници и една и единствена цел. Да им овозможи на корисниците алатки и информации за да го подобрат своето здравје и да ја намалат тежината.