Зошто трае печење и жарење во грлото веќе година и пол?

Може да се работи за хронично воспаление на грлото и крајниците. Ако не сте пушач, немате проблем со штитната жлезда и немате желудочен рефлукс, тогаш немате причина за загриженост. Сепак, се препорачува да се јавите кај лекар и да направите лабораториски анализи (крвна слика, гликемија, ЦРП), брис од грло и нос, а потоа да се лекувате - антибиотик исклучиво според антибиограм, заедно со комплетен преглед за да се исклучи одредено заболување или причина за пад на имунитетот. Во меѓувреме, можете да го исплакнувате грлото повеќе пати дневно со чај од жалфија и камилица, со малку сода бикарбона (на 2 литри чај - 1 лажица сода бикарбона), и да цицате пастили со пантенол.