Зошто имам запушен и водлив нос?

Вашите тегоби можат, но не мора да бидат последица на алергија. Ако алерготестот е негативен, тоа не значи дека не сте алергични, туку дека не сте алергични на алергените на кои сте испитани. Секој од нас е секојдневно во контакт со уште околу 100 алергени кои не можат да се опфатат со тест. Ако е направено испитување на алергија преку кожна проба (Prick тест), препорачливо е да се повтори испитувањето преку крв (инхалаторен панел). Опишаните тегоби можат да бидат последица и на хроничен неалергиски (вазомоторен) ринитис, хроничен риносинузитис или ларингофарингеален рефлукс.