Што значи долготрајна затнатост на носот со зелено-жолт секрет?

Затнатост на носот е многу непријатна сензација која укажува на некое случување во таа регија. Ако проблемот е изразен, препорачливо е најпрво да се направат брисеви на грлото и носот, а потоа според добиениот наод да се примени соодветна антибиотска терапија. По тоа брисевите треба да се повторат, и кога ќе бидат уредни, да се направат алерготестови, најпрво на основните алергени, како и снимка на носот и синусите, а кај специјалист по оториноларингологија да се утврди точната дијагноза. Употребата на капки за нос кои го стеснуваат крвните садови (како нафазолин и слични) делува не само на носот, туку и на крвните садови во околината, на пример во очите, па при долготрајна употреба можат да настанат посериозни тегоби од самата затнатост на носот. За обнова на слузницата може да се користи маст од невен со прополис, активатор од алоја или нешто слично на природна основа.