Што може да предизвика ноќна кашлица со слузав исплувок и недостаток на воздух?

Причините за кашлица се бројни и кашлицата како симптом е најчеста причина за јавување кај лекар во светот. Судејќи според траењето, се работи за хронична кашлица, а можните причини се хронични инфекции на долните дишни патишта или синусите, алергија, астма, хронична опструктивна белодробна болест, употреба на одредени лекови (особено од областа на кардиологијата), срцеви заболувања, враќање на желудочната киселина преку хранопроводникот кон грлото (рефлукс) и други. За почеток се препорачува пулмолошки преглед, па потоа, доколку причината не се открие, преглед кај ОРЛ специјалист.