Слаб мирис месеци наназад, придружен со затнати синуси и астма — што може да е причина?

Ако сте пушач, престанете со пушењето, бидејќи тоа е чест причинител на овој проблем. Проблемите со синусите исто така можат да бидат еден од причинителите. Покрај лекувањето кај ото-рино-ларинголог, доколку тегобите продолжат, можете да направите и алерголошки и неуролошки преглед. Ако се работи за респираторни причини, ќе помогне редовно лекување на синузитисот и бронхијалната астма, како и промена на начинот на живеење — престој на свеж воздух, шетање покрај море или во борова шума, и отстранување на евентуалните алергени на кои сте чувствителни. На овој начин проблемот ќе се реши.