Дали испирањето на уши поради церумен е штетно и како правилно да се чистат ушите?

Испирањето на уши не е штетно. Исто така, не е точно дека штом еднаш почнете со испирање на уши, ќе морате постојано да го правите тоа. Ушната маст се лучи појачано кога се задржувате на топло, кога сте физички многу активни или ако прекумерно користите стапчиња за чистење на уши. Важна е и генетиката - ако имате голем број жлезди во каналите што лучат ушна маст, тоа е кај вас едноставно природно. Во аптеките постојат разни препарати за тоалета на уши, како растворите на база на водороден пероксид, разни масла и спрејови на база на маслиново масло и слично. Поентата е дека овие препарати треба да се користат 2-3 пати неделно, инаку немаат смисла.