Биопсијата на раница на јазикот е бенигна, а лекарот сомнева на карцином - што да се направи?

Кога се работи за поголеми, малигни промени што брзо растат и лесно некротизираат, се препорачува при земањето на исечок да се земат повеќе исечоци од различни места на туморот (од длабочина, од средината и од работ), токму за да се избегне можноста од таков бениген резултат. Мојот совет е следен: 1. Задолжително да се повтори биопсијата. 2. Да се побара да Ви ги дадат плочките (или калапот) од првата биопсија и да ги однесете на клиниката во Ниш, за да ги прегледа и нивниот патолог. Според сите правила, без оглед на тоа што туморот клинички изгледа како малиген тумор, во Ниш не можат да го оперираат без претходен патохистолошки наод кој потврдува малигнитет.