Бели каменчиња на крајниците, непријатен здив и чести воспаленија на грлото - што може да биде причина?

При донесувањето одлука за операција на крајниците не е клучно како изгледаат крајниците, туку какви тегоби имате. Ако имате воспаленија кои бараат антибиотска терапија три или повеќе пати годишно, тогаш се препорачува операција, без оглед на изгледот на крајниците. Опишаното претставува детритус во криптите на крајниците (криптите се мали вдлабнатини кои нормално постојат кај секој човек на крајниците). Кога криптите се поизразени, во нив се задржува храна, наслаги од јазикот и мртви клетки од плунката, па се формираат бели точки. Овие наслаги можат да се истиснат, а потоа устата да се исплакне. За жал, натрупувањето на овој детритус создава непријатен здив, што исто така може да влијае на одлуката за операција.