Зголемена вредност на мокрачна киселина - што да се направи?

Потребно е да се закажете на преглед кај ревматолог, кој со клинички преглед ќе утврди дали постојат знаци на артритис. Потоа треба да се направат повторно лабораториски анализи на крв: мокрачна киселина, седиментација и ЦРП. Доколку вредностите повторно се покажат зголемени, ќе добиете совет за таканаречена хипопуринска исхрана и зголемен внес на вода. По одреден период се прави контрола на сите параметри. Многу зависи и од степенот на зголемувањето на вредностите. Доколку со промена на исхраната не се постигне намалување до референтните вредности, постои и можност за медикаментозна терапија.