Што значи кога се пронајдени бактерии во спермограмот?

Ако се пронајдени бактерии во спермограмот, неопходно е да се направи спермокултура, а потоа според наодот и антибиограмот да се земат соодветни антибиотици. Наод кој укажува на присуство на бактерии, односно инфекција во спермограмот, обавезно бара комплетно уролошко испитување, при што треба да се направи и комплетно микробиолошко испитување (бришеви). Затоа не се препорачува самостојно да се започне лекување со било кој антибиотик. Често може да се работи за полово пренослив микроорганизам, кога е неопходно лекување на двата партнери.