Кој е ризикот од ХИВ инфекција по контакт со плунка на усната?

ХИВ (вирусот на хумана имунодефициенција) се пренесува преку незаштитен сексуален контакт со ХИВ позитивна личност, преку контакт со заразена крв, а може да се пренесе и од ХИВ позитивна мајка на плодот (детето). ХИВ не се пренесува преку вообичаени контакти како бакнеж во образ, ракување, допир на облека, кивање, кашлање, контакт со плунка, солзи или пот. Случајот што го опишувате не може да доведе до ХИВ инфекција. Доколку сакате, можете да се јавите кај свој лекар кој ќе ве упати кога и каде да направите тест на ХИВ, само заради ваш поголем душевен мир.