Како се лекува хроничен уретритис?

Калциум-оксалатните камења поттикнуваат инфекции, а инфекциите поттикнуваат компликации поврзани со камењата. На прво место треба да се направат уролошки испитувања. Треба да се направат и серолошки анализи за полово преносливи болести, бидејќи тегобите не мора да бидат поврзани со камењата. Поради присуството на камења, треба да се провери и состојбата на паратиреоидниот хормон (PTH), кој може да биде причина за засилено создавање камења. Препорачливо е да се внесува доволно течности и задолжително да се направи уролошко испитување, а по потреба и нефролошко.