Често ноќно мокрење без болка - дали причината е простатата?

Честото ноќно мокрење може да биде последица на разни болести, не само на проблем со простатата. Препорачливо е прво да се направи уринокултура, преглед на урина, крвна слика и биохемиски анализи, а потоа и преглед кај уролог и интернист. Покрај уролошките проблеми, честа причина за вакви тегоби се и кардиолошки нарушувања. Доколку пациентот веќе користи терапија за хипертензија, не треба самоволно да се прекинува, туку евентуално да се промени по извршениот преглед и консултација со лекар.