Зошто детето има тврда столица во топчиња со трага од крв?

Ова укажува дека детето има проблем со опстипација, што е чест функционален проблем кај деца од таа возраст, без придружни здравствени компликации. Ако е забележана свежа крв, таа најверојатно е последица на мало распукнување предизвикано од тврдата столица при дефекација, што не претставува голема загриженост и е чест придружен симптом на опстипацијата. Препорачливо е да се посети педијатар, без итност, за да се препише соодветна терапија за опстипација. До тогаш, по совет на фармацевт, може да се користи маст наменета за таа регија.