Зошто бебето од 4 месеци често се буди ноќе, си ги влече ушите и балави?

Ги разбирам вашите грижи. Сепак, тегобите кои ги има бебето (раздразливост, повремено влекување на ушите, балавење и ставање раце, предмети и играчки во устата) укажуваат на никнење заби, бидејќи овие знаци можат да се јават и подоста порано пред самите заби да изникнат. Кај секое бебе интензитетот на овие тегоби е поразличен. Доколку бебето добро напредува, сака да суче и нема други тегоби (покачена температура, проливаста столица или изостанок на столица, нарушена состојба на свеста), нема причина за грижа. Ако се појават некакви промени, консултирајте се со вашиот педијатар за евентуална дополнителна дијагностика (крвна слика, урина, столица). Сепак, овие тегоби со текот на времето минуваат сами од себе, а тогаш и сонот ќе биде поцврст и подобро ќе спиете и вие и вашето бебе.