Зошто афтата (soor) кај бебето се враќа и покрај терапијата со антимикотик?

Доколку и мајката и бебето имаат габична инфекција, неопходно е двете да се лекуваат истовремено, бидејќи во спротивно инфекцијата се пренесува од едното на другото. Оваа инфекција кај бебињата може да настане уште при породувањето, доколку мајката има вагинална инфекција, и таа е потребно да се лекува. Доколку бебето претходно било болно и на терапија со антибиотици, тоа исто така може да биде причина за появата на афтата, како и последица од намален имунитет. Покрај терапијата за бебето која ја препишува педијатарот, потребно е мајката да спроведува одредени хигиенски мерки, особено нега на брадавиците доколку доил, а по потреба и соодветна терапија со лекови. Затоа е важно, покрај прегледот кај педијатар, мајката да се обрати и до свој лекар за да се лекува инфекцијата на адекватен начин и да добие информации за хигиенските мерки кои треба да ги спроведува во текот на лекувањето.