Што значи преждевремено затворена фонтанела кај бебе?

Прерано затворање на фонтанелите е поврзано со прерано срастување на коските на черепот - краниосиностоза. Обично не сите коски срастуваат истовремено, па главата расте неправилно. Причината честопати е непозната, иако може да биде последица на зголемена функција на штитната жлезда или паратироидните жлезди, како и на рахитис. За да се постави дијагноза на прерано срастување на коските на черепот, неопходен е внимателен преглед и рендгенска снимка на черепот. Доколку е потребно, третманот е хируршки.