Што значи наод на многу уратни кристали во мочката кај петтогодишно девојче?

Таков наод најчесто е последица на концентрација на мочката поради недоволна хидрираност. Затоа, детето треба да внесува повеќе течности, а анализата на мочката да се повтори по околу 7 дена. Другите причини за појава на уратни кристали се поврзани со зголемени вредности на мочна кислина во крвта, во склоп на болести на бубрезите, срцето и крвните садови или на зглобовите. Кај овие состојби обично се јавуваат и други симптоми, а самостоен наод на кристали во мочката ретко укажува на такви дијагнози во детска возраст. Најчеста причина е неправилно и недоволно внесување течности. Доколку контролниот наод повторно не биде во ред, задолжително треба да се јавите на лекар.