Што може да значи покачена алкална фосфатаза кај деца?

Причините за покачена вредност на алкалната фосфатаза кај деца можат да бидат следните: обструктивна болест на жолчните патишта (холестатски хепатитис), рахитис и состојба на бенигна хиперфосфатемија. Првата е придружена и со промени во вредностите на црнодробните ензими AST и ALT, втората е придружена со промени во фосфатите, понекогаш и калциумот, и секако со вредностите на витамин D во крвта, а третата е изолирана појава која се јавува и поминува сама, и обично, ако помине по 4 месеца, се смета дека се работи токму за таа бенигна хиперфосфатемија. Советувам, освен анализата на алкалната фосфатаза, да се направат и погоре наведените анализи.