Што може да причинува болки во стомакот кај дете?

Кога се работи за болки во стомакот кај дете, треба да се биде многу внимателен и да не се толкува болката веднаш како психолошка, доколку претходно не се направи внимателен преглед, како и дополнителни лабораториски и микробиолошки прегледи, за да се исклучи евентуална органска причина за тегобите. Затоа, предлагам детето повторно да се однесе на педијатар, за да се исклучи, преку микробиолошки преглед на столица, присуство на паразити во цревата или некоја друга причина. Секако, можно е детето на овој начин да бара внимание или на некој начин да ви кажува нешто друго. Не е лесно, но обидете се да го разберете детето уште подобро.