Повраќање и пролив на четвртиот ден од варичела кај дете - што да се направи?

Инфекцијата со варичела предизвикува општо слабеење на отпорноста на целиот организам, па поради паднат имунитет детето станува поподложно на вирусни или гастроинтестинални тегоби. Постои можност и ова да е реакција на телото на вирусната инфекција. Секако се препорачува преглед кај надлежниот педијатар за да се процени дали детето е дехидрирано. За понатамошно постапување се препорачува симптоматска терапија - намалување на температурата, мачкање на промените со средства против чешање, миење со благ дезинфицирачки раствор. Исто така, корисно е да се вклучи пробиотик и, доколку е потребно, детето да се рехидрира со соодветни раствори за орална рехидратација.