Осип на задниче кај бебе од 3 месеци — што да се направи?

Препорачливо е да се направи бришење на кожата од промените, за да се утврди дали постои бактериска или габична инфекција. До добивање на резултатите, кои обично стигнуваат за 2-3 дена, промените можат да се третираат со раствор од калиум перманганат. Прашокот се раствора во вода до добивање светло розева боја, а со натопена ватица или тупфер промените на кожата на бебето се третираат двапати дневно. Кожата треба да се остави да се исуши, а потоа да се нанесе крема против осип на база на цинк-оксид. Оваа крема се користи при секое менување на пелена. Додека трае осипот, по мокрење бебето треба да се мие само со вода, а по голема нужда со вода и детско сапун. Од корист може да биде и бебето да остане без пелена одредено време во текот на денот, бидејќи проветрувањето на кожата помага во смирувањето на воспалението.