Колку часа треба да спие бебето и на колку часа бара доење?

Нормално е бебето сè уште да нема воспоставен ритам на спиење и да се буди во интервали од еден до три часа, бидејќи влегува во период кога се јавуваат колики, поради што може да биде малку раздразливо. Препорачливо е оброците за бебето да се на секои три часа, а при секој оброк на почеток да се дава помеѓу 90 и 120 мл храна (без разлика дали преку доење или преку млечни формули). Со оглед на тоа што бебето само цица, малку е раздразливо и почесто се буди, можно е токму да влегува во фазата на колики, или да не внесува доволно храна по оброк, па е раздразливо поради глад. Овој период може да се надмине најпрво со лесни масажи на стомачето, а евентуално и со користење на капки за колики кај бебиња. Меѓутоа, доколку состојбата продолжи и биде проследена со други симптоми како покачена телесна температура или одбивање на оброци, задолжително треба да се обратите кај надлежниот педијатар за да се испита причината.