Кои лекови се потребни за патување со дете?

Патната аптека за дете треба да содржи: сируп за намалување на температура; капки за нос за деца; за регулирање на столицата кај пролив треба да се понесе пробиотик и цревен антисептик; раствор за орална рехидратација (во случај на повраќање); сируп против алергија (антихистаминик); антисептичен раствор; антибиотска маст (доколку дојде до гребнатини); фластери. Доколку патувањето е во природа, секако треба да се понесе и препарат за заштита од каснување инсекти (репелент), како и крема за заштита на кожата од сонце за деца со фактор на заштита 50. Што се однесува до антибиотскиот сируп, лекарот треба да го прегледа детето и да процени дали е потребна антибиотска терапија.