Каква реакција може да предизвика БЦЖ вакцината?

БЦЖ вакцината е една од вакцините кои по примањето можат да предизвикаат реакција до 6 месеци по апликацијата, бидејќи тогаш се активира друг тип имунитет - целуларниот имунитет. Освен локални последици како црвенило и оток на местото на вакцинацијата, БЦЖ вакцината (против туберкулоза) може да предизвика и подалечни манифестации, како зголемување на лимфна жлезда, покачена телесна температура и други симптоми. Советот е да се јавите кај надлежен педијатар за да ја прегледа промената, да се процени отокот и неговата содржина, а потоа да се направат и други прегледи доколку е потребно. Овие реакции обично не оставаат последици за понатаму и не значат дека организмот ќе биде поосетлив во иднина. Секој организам е различен и не се бори на истиот начин, а голема е шансата да се развие имунитет против туберкулоза.