Каква е поврзаноста на хроничната кашлица со алергии на алергени (домашна прашина, полен) и ларингитис?

Хроничната кашлица која трае подолго време мора детално да се испита за да се утврди причината. Најчести причини се повторени вирусни инфекции (бронхитиси), потоа постназално сливање на секрет и астматска кашлица, кои често се поврзани со алергии. Затоа е неопходно прво да се постави точна дијагноза за да се ординира соодветна терапија. Во зависност од потеклото и причината за кашлицата, во терапијата се користат антибиотици, кортикостероиди, антихистаминици и слично. Се препорачува преглед кај алерголог-пулмолог во соодветна специјализирана установа за деца, каде што работат искусни специјалисти од оваа област.