Како се лекуваат малите сипаници и какви последици може да имаат кај невакцинирано дете?

Малите сипаници се субакутна заразна вирусна болест. Инкубацијата трае околу 12 дена. Првите знаци и симптоми се покачена телесна температура, малаксаност, слабост, губење на апетит, нарушена општа состојба, плачлив израз на лицето на детето поради затнат нос, зацрвенети очни лигавици (конјуктиви), болки во грлото, а понекогаш се јавуваат и таканаречените Копликови дамки - ситни црвенкасто-белузлави дамки на мекото непце и внатрешната лигавица на образите. Оваа состојба може да трае неколку дена, а дамките понекогаш изостануваат, што ја отежнува дијагнозата. По неколку дена температурата повторно се крева и се појавува осип кој се шири како „дожд од када“ - прво зад увото, потоа по вратот, градниот кош и надолу по телото. Осипот е ситен, макулозен, односно се јавуваат црвенкасти дамчиња по кожата кои постепено се шират, а Копликовите дамки полека исчезнуваат со појавата на осипот. Ако температурата повторно се крева, тоа обично е знак за респираторни, а поретко и кожни компликации, во вид на воспаление на белите дробови или на бронхиолите, проследено со тешка општа состојба на детето. Компликациите можат да бидат опасни. Дури и без нив, детето тешко ја поднесува високата температура и се чувствува лошо. Со подобрување на состојбата, апетитот постепено се враќа. Детето треба добро да се рехидрира и во секоја фаза од болеста треба да биде под лекарски надзор и соодветно лекување. Вакцинацијата е најдобрата превенција.