Изразен осип на задникот и препоните кај дете, придружен со почести столици — што да се направи?

Кожата покриена со пелена е изложена на влажна средина, што ја прави погодна за појава на осип и иритации. Кога осипот е изразен, препорачливо е да се направи брис на кожата од засегнатото место, за да се утврди причинителот на инфекцијата и според добиените резултати да се примени соодветна терапија. До добивање на резултатите (обично 2-3 дена), засегнатите места можат да се третираат со раствор на хиперманган со светло розева боја — со намочен тупфер нанесете го растворот на местото, оставете да се исуши на воздух, па потоа нанесете крем против осип на база на цинк-оксид. Добро е детето извесно време да остане без пелена, бидејќи проветрувањето на кожата помага инфекцијата да се смири. Додека трае осипот, по мокрење детето треба да се мие само со вода, а по празнење на цревата — со вода и детски сапун. Се препорачува во овој период да не се користат влажни марамчиња за хигиена.