Дали смее да му се даде лек за астма на бебе на 11 месеци со настинка, исцедок од нос и жолти очни секрети?

Симптомите што ги опишувате можат да бидат од вирусно или од бактериско потекло. Затоа, пред да се воведе кој било лек, најдобро е детето да се однесе на преглед кај педијатар, кој ќе одлучи за соодветен третман. Лекот што го споменувате не е соодветен избор во ваква ситуација - тој се користи кај астма, односно кај проблеми со долните дишни патишта, а не кај обична настинка. Дополнително, може да предизвика несакани ефекти како забрзана срцева работа и треперење на рацете. За полесно дишење, носот на бебето може да се исчисти со пумпичка и физиолошки раствор. Важно е да му се дава доволно вода, бидејќи малите деца лесно дехидрираат. Очните секрети можат нежно да се исчистат со тупфер натопен во млака вода. При прегледот, педијатарот ќе утврди дали воспалението е вирусно или бактериско, ќе ги прегледа и ушите заради можна воспаление, и ќе советува за понатамошниот третман.