Дали е нормално ваквото однесување кај бебе од 14 месеци?

Очекувам дека станува збор за минлива фаза. Детето е во таканаречената фаза на „практикување“, што значи дека смело почнува да го истражува светот околу себе, не сфаќајќи ги ограничувањата ниту опасностите. Околу година и пол детето се плаши од непредвидливоста на надворешниот свет и повторно се приближува кон мајката, па тогаш започнува таканаречената фаза на повторно приближување. Затоа, потребни се многу трпение и разбирање, но и внимателно следење на детето во оваа возраст, бидејќи тоа не знае за опасност, а сака сè да проба. Удирањето на себе во главата е начин на изразување лутина и бес, потреба нештата да бидат по негова замисла или реакција на незадоволување на потребите кои можеби не ги препознавате. Вниманието, љубовта и трпението ќе помогнат овој проблем да се реши. По потреба, може да се закаже и видео повик за дополнителен разговор.