Болки во грлото и кашлица без температура - кој лек да земам?

Воспалено, црвено и болно грло може да биде последица на вирусна или бактериска инфекција. Исто така, може да се јави и во склоп на настинка кога причината не е инфективна. Советувам да се јавите на вашиот лекар за да ве прегледа и, во зависност од причината, да ви препише соодветна терапија. Доколку грлото е воспалено со присуство на гној во вид на наслаги или чепови, лекарот ќе ви препише соодветен антибиотик. Лековите не треба да се земаат самостојно без консултација со лекар. До тогаш можете да земате пастили за грло, топли напитоци и да го зголемите внесот на овошје богато со витамин Ц.