Бебе на 4 месеци и 2 недели многу малку гуга - дали е тоа нормално?

Во оваа возраст сè уште станува збор за мало доенче, па не треба претерано да се загрижувате. Сепак, за секој случај, следете ја состојбата уште извесно време и потоа јавете се на педијатар кој детално ќе го прегледа детето и ќе ја согледа целокупната состојба. Некои од првите работи што треба да ги совлада бебето во текот на првата година се да го следи со поглед она што се случува околу него и да реагира на дразби, потоа да стисне тупаница околу прст, а околу четвртиот месец веќе треба да биде способно самостојно да ја држи главата кога е во седечка положба. Секако, препорачливо е педијатар да го прегледа детето и да направи невролошки преглед.