Колку време е потребно да зарасне прелом на базата на петтата метакарпална коска?

Општо правило е дека поголемите коски зараснуваат побрзо, додека на помалите коски им треба околу 4 недели или повеќе. Ако и понатаму има болка, деформитет на местото на повредата и оток, се препорачува да се јавите на ортопед, кој треба да направи контролен рендген снимок за да се утврди состојбата - дали симптомите се резултат само на процесот на закрепнување или на постојана повреда, како и дали метакарпалната коска правилно срасна со кукастата коска. Петтата метакарпална коска, освен со фалангите на малиот прст на дисталниот крај, на проксималниот крај (кон коренот на дланката) се зглобува и со уште една коска - кукастата. Ако сè правилно срасна, тогаш само со воздржување од активности со тек на време функцијата на дланката може да се врати во нормала. Доколку не е правилно срасната, најверојатно ќе биде потребно репозиционирање на коската за да дојде до конечно правилно срастување.