Како се лекува петна трн и дали е потребна операција?

Таканаречениот „петен трн“, односно calcar calcanei на латински, сам по себе не претставува болест. Тоа е всушност рендгенски знак дека сте прележале плантарен фасциитис, односно воспаление на местото каде што фасцијата на стапалото се прикачува на петната коска. Ако сè уште имате болки, тоа значи дека воспалението сè уште е активно. Во фазата на воспаление, кога има болки, најдобро се лекува со локална инјекција на кортикостероид со продолжено дејство на местото на воспалението. По тоа симптомите обично брзо се повлекуваат. Понекогаш е потребно инјекцијата да се повтори во рок од седум дена, но не повеќе од три пати годишно. Проблемот е што ова понекогаш може да биде знак на некое воспалително ревматско заболување, кое треба да се испита. Исто така, доста ефикасно е носењето на влошки кои спречуваат притисок при одење на местото на воспалението. По мое мислење, со операција проблемот не може трајно да се реши и воспалението може повторно да се појави.