Дали со дијагностициран гихт може да се тренира кошарка на професионално ниво?

Гихт е заболување кое настанува поради нарушен метаболизам на мочната киселина, што доведува до зголемување на нејзиниот ниво во крвта. До зголемувањето може да дојде поради поголема продукција или намалена елиминација преку бубрезите, што резултира со таложење на кристали на киселината во зглобовите, односно појава на гихт. Гихтот се манифестира со нагли напади на силна болка, чувствителност, црвенило и оток на зглобовите. Најчесто е зафатен зглобот на палецот на ногата, но можат да бидат зафатени и скочниот зглоб, коленото, лактот и други зглобови. Со оглед на тоа што стресот, вклучувајќи и голем физички напор, може да предизвика акутен напад на гихт, професионалното занимавање со спорт обично е отежнато. Секако се препорачува консултација со ревматолог и ортопед, кои ќе ја процени тежината на болеста и ќе дадат конкретна препорака во врска со занимавањето со спорт.