Дали испакнатите гради (pectus carinatum) можат да се коригираат и дали влијаат на здравјето?

Проблемот за кој станува збор најчесто е само од козметичка природа, иако не би било лошо да се направи детален преглед на внатрешните органи за да се исклучи некоја друга вродена деформација. Самиот проблем релативно лесно се решава хируршки. Ако поради тоа имате изразени психички потешкотии, препорачливо е да се пристапи кон решавање на состојбата. Единствен проблем претставуваат годините на пациентот - здравственото осигурување обично ги покрива вакви козметички операции до 25-26 година возраст, а по тоа пациентот сам ги сноси трошоците. Во секој случај, препорачливо е да се побара хирург кој се занимава со ваков тип интервенции и да се разговара со него за можностите.