Зошто температурата и сувиот кашел не поминуваат ни по антибиотици?

Се препорачува да се направи крвна слика со леукоцитарна формула, за да се процени состојбата на организмот, а по потреба и Ц-реактивен протеин (ЦРП) од биохемиските анализи. Бидејќи состојбата трае подолго време, доколку станува збор за вирусна инфекција, односно грип, таа може да се совлада со симптоматска терапија - лекови за намалување на температурата, против болка, сирупи за кашлица, средства за искашлување, внес на витамин Ц и доволно течности, како и назални спрејови со деконгестивно дејство кои го намалуваат лачењето од носот. Доколку анализата на крвната слика покаже дека се работи за бактериска инфекција, може да се пристапи кон лекување со антибиотска терапија од групата на цефалоспорини, кои се покажале како одлични лекови за орална употреба кај респираторни бактериски инфекции, како и некои лекови од групата на флуорохинолони, кои во одредени случаи се покажуваат како посилен и поефикасен избор. Во секој случај, се препорачува преглед кај надлежен лекар, кој ќе изврши клинички преглед и аускултација на белите дробови, за да се процени сериозноста на тегобите и да се насочи кон соодветно лекување.