Зошто се јавуваат постојан замор, малаксаност и поспаност и покрај уредни наоди на крвта?

Хроничниот замор може да се јави како последица на анемија, депресија, хипогликемија (низок ниво на шеќер во крвта), различни вирусни инфекции, алергии, хормонални нарушувања, проблеми со гастроинтестиналниот тракт, низок крвен притисок, но и други посериозни болести. Неправилната исхрана богата со шеќер и производи од бело брашно, како и прекумерната употреба на антибиотици, придонесуваат за раст на кандидата, поради што организмот троши повеќе енергија за да се одбрани од оваа габичка, што доведува до хроничен замор. Хипотиреозата (намалена функција на штитната жлезда) е уште една причина за постојан замор. Се препорачува да се направат дополнителни анализи – крвна слика за проверка на нивото на железо, еритроцити и хемоглобин, ниво на шеќер во крвта, крвен притисок, функција на штитната жлезда и присуство на кандида во организмот. Во меѓувреме, препорачливо е да се внимава на правилна исхрана, со внесување намирници богати со железо, витамини и минерали, и намалување на белиот шеќер и белото брашно.