Зошто се јавуваат напади на забрзан рад на срцето ноќе, иако кардиолошките наоди се уредни?

Причините за тахикардија, односно забрзан рад на срцето, можат да бидат разни - интензивно физичко напрегање, стрес, ненадеен шок или страв, инфекции, анемија, анксиозност, засилена активност на тироидната жлезда, слабост и вирусни воспаленија на срцето, акутна намалена доток на крв кон срцето, стеснување на крвните садови, притисок на желудникот врз срцето, или подигнување на дијафрагмата поради засилена гасовитост во организмот, што влијае на долниот зид на срцето и со тоа ја зголемува фреквенцијата. Советувам да размислите дали сте изложени на прекумерен стрес, да направите основни анализи на крвна слика (со леукоцитарна формула) и биохемиски анализи, при што посебно препорачувам да се провери нивото на железо, а потоа да направите кардиолошки преглед со ултразвук на срцето и ултразвук на абдомен, за да се исклучат или потврдат наведените причини. Ако се исклучи секое друго органско заболување, можете да разговарате со психолог или психијатар, за да се исклучи и анксиозност, особено бидејќи имате чувство на страв, стрепнење и притисок во градниот кош.