Зошто се јавуваат комедони (мицери) во менопауза?

Според описот кој сте го испратиле, најверојатно имате мешана кожа, која на некои места изгледа сува, а присуството на комедони укажува на зголемено лучење на себум. Во вашите години често се јавуваат т.н. „козметички“ акни, каде комедоните се последица на користење масни креми и несоодветна (комедогена) шминка. Исто така, во менопауза се менува односот на половите хормони, што дополнително влијае на појавата на акни. Советуваме да користите хидратантни, некомедогени креми навечер, а лицето задолжително да го чистите со благи гелови наместо сапун. Преку ден, доколку се шминкате, нанесувајте течен пудер, а ако не - хидратантна крема. Доколку промените на кожата се одржуваат, посетете дерматолог.