Зошто се јавуваат губење на тежина и грчеви во стомакот при лекување на депресија?

Тегобите можат да бидат последица на стрес, на лекови или на некое заболување. Потребно е да се направи интернистички преглед, преглед на белите дробови и срцето, како и тест на столица за скриено крварење. Добро е да се провери и функцијата на штитната жлезда (ТСХ и ФТ4), бидејќи хипертиреозата исто може да предизвика слични симптоми. Треба да се провери и нивото на шеќер во крвта и HbA1c, зашто стресот може да биде поттик и за хипертиреоза и за дијабетес. Со психијатарот треба да се разговара за можна промена на видот на антидепресивите, бидејќи некои од нив можат да предизвикаат губење на телесна тежина, додека други можат да доведат до нејзино зголемување. Понекогаш е потребно и воведување на анксиолитик како дополнителна терапија, особено во периоди на зголемен стрес. Со дополнителни прегледи треба да се исклучи евентуална органска причина за тегобите, а паралелно да се преразгледа и терапијата за депресија.