Зошто по пет дена антибиотска терапија за стрептококна ангина сè уште постои болка во грлото и гној?

Потребно е да се направи крвна слика за да се видат вредностите на леукоцитите, неутрофилите и лимфоцитите, бидејќи симптомите можат да укажуваат и на гнојна ангина предизвикана од стрептокок, но и на инфективна мононуклеоза. Ако се работи за антибиотик од групата на пеницилини (како амоксицилин или амоксицилин со клавуланска киселина), важно е да се знае дозата и редовноста на земање, бидејќи од тоа зависи ефикасноста на терапијата. Кај лица алергични на пеницилин, овие лекови не можат да се користат. Инфективната мононуклеоза обично покажува покачени лимфоцити во крвта, додека гнојната ангина покажува покачени гранулоцити, па токму затоа крвната слика помага да се утврди дали причината е вирусна или бактериска. Често кај инфективната мононуклеоза се јавува и бактериска суперинфекција на грлото поради пад на имунитетот, така што наодот од брис на грлото може да биде реален, но не мора да е единствената причина за симптомите. Затоа е неопходно да се направи крвна слика и да се изврши лекарски преглед, за да се утврди дали постои зголемување на слезината или црниот дроб (карактеристично за мононуклеоза), односно, ако се работи само за гнојна ангина, дали дозата на антибиотикот е соодветна или е потребна промена на терапијата.