Зошто може нагло да се промени вредноста на ТСХ и да предизвика промени во расположението, вклучително и депресија?

Наглите промени во вредностите на ТСХ хормонот се можни во текот на ендокринолошка терапија. Пореметувањата во функцијата на штитната жлезда често се манифестираат и со психички промени, бидејќи хормоните на штитната жлезда имаат повеќекратна функција во организмот. Доколку покрај редовната ендокринолошка терапија и контрола на болеста психичките тегоби продолжат, се препорачува и стручна психолошка помош, заедно со постојната терапија. На вредностите на хормоните влијаат многу фактори, вклучувајќи инфекции и одредени лекови, па е можно тие да бидат причина за промената на вредноста на ТСХ. Иако одредени лекови, на пример бета-блокатори, можат да влијаат на вредноста на ТСХ, при поголеми или нејасни промени во хормонскиот статус се препорачува да се побара мислење од ендокринолог.