Зошто ми опаѓа косата поинтензивно при миење и чешлање?

Прво се препорачува да се направи крвна слика, која може да покаже дали станува збор за анемија, бидејќи кај анемични лица доаѓа до слабеење и кршење на влакната. Советувам и преглед кај дерматовенеролог, кој врз основа на изгледот на скалпот може да процени дали е во прашање можеби гљивична инфекција на кожата на главата, за да се пристапи кон соодветно лекување. Следна можност за опаѓање на косата може да биде хормонален дисбаланс, како последица на стрес, но и независно од стрес. Во тој случај се препорачува консултација со ендокринолог, кој ќе упати кон утврдување и решавање на проблемот.