Зошто месеци наназад имам температура околу 37,5°C и благо покачен ТСХ?

Благо покачен ТСХ укажува дека штитната жлезда можеби работи послабо, додека покачена односно субфебрилна температура обично се јавува кога нивото на хормоните на штитната жлезда е покачено, а ТСХ би бил намален. Затоа е препорачливо да се контролираат хормоните на штитната жлезда. Следна честа причина за субфебрилна температура е хронична воспаление на крајниците. Ако се придружени со болки во грлото и зголемени крајници, неопходно е да се направи преглед и лекување, бидејќи запуштањето на ваквата состојба може да доведе до компликации, од ревматизам до псоријаза. Причина за субфебрилна температура може да биде и синдромот на хроничен замор, чии основни симптоми се: слабост, послабо памтење, намалена концентрација, раздразливост, депресија, лошо расположение, главоболка и несоница. Субфебрилната температура може да биде поврзана и со нарушена циркулација. Состојбата кога целото тело е топло, а рацете и стапалата се ладни, се нарекува термонеуроза. Може да биде предизвикана од стрес, непреработени психички трауми, непријатности на работното место или проблеми дома. Исто така, нелекувани заболувања кои преминале од акутна во хронична фаза - воспаление на мочните патишта и мочниот меур, воспаление на белите дробови, туберкулоза, па дури и кариес - можат да бидат причина за субфебрилна температура. Препорачливо е да се направи преглед кај надлежен лекар и да се направат дополнителни анализи: седиментација на еритроцити, фибриноген, прокалцитонин како маркери на воспаление; проширени биохемиски анализи - ЛДХ, ЦПК, алкална фосфатаза, мокрачна киселина, комплетен јонограм, ЦРП, како и анализа на урина и уринокултура. Секако, препорачливо е да се направи преглед и кај ендокринолог, бидејќи понекогаш причина може да биде одреден хормонален дисбаланс предизвикан од стрес, исхрана и слично.