Зошто менструалниот циклус е нередовен по породувањето?

По породувањето е нормално да постои одредена нередовност во менструалните циклуси (во вид на неправилности, задоцнувања и слично), бидејќи во текот на бременоста, а особено потоа за време на периодот на доење, доминираат хормоните окситоцин и пролактин. Советувам преглед кај надлежен гинеколог, кој врз основа на ултразвучен наод ќе процени дали сè е морфолошки вратено во нормала по породувањето, а преку ултразвук може да се утврди и во каква фаза на циклуса се наоѓате. До нередовни менструации доаѓа и поради стрес, хормонски дисбаланс, зголемена физичка активност и слично. Во договор со гинекологот можат да се направат и хормонски анализи (прогестерон, естрадиол, ФСХ, ЛХ, пролактин и други). Ако постои сомнение за бременост, може да се направи урин тест лента за бета хЦГ или анализа на бета хЦГ од крв. Секако се препорачува преглед кај гинеколог, со кој може да се разговара и за примена на контрацептивни пилули, кои дополнително можат да помогнат во регулирањето на менструалниот циклус.